Azərbaycanda son günlər vəzifəlilərin övladları valideynlərinin qəniminə çevrilib. Yüksək vəzifəli məmur balalarının etdiyi əməllər sonda atalarının başında çatlayıb. 

  "xeberinfo.com" saytı olaraq biz də bu kimi xoşagəlməz hadisələrlə dəyərli oxucularımızı məlumatlandırırıq. Bu barədə daha bir məlumat əldə etmişik. Belə hallardan biri də təhsil sistemində baş verib. Məktəb direktoru azyaşlı məktəbliyə qarşı əxlaqsızlıq edən oğlunun güdazına gedib. Məlumata görə, Ucar rayon icra hakimiyyətinin yetkinlik yaşına çatmayanların işləri və hüquqlarının müdafiəsi üzrə komissiyanın məsul katibi Şükür Məmmədov  açıqlamasında 3 saylı Bağman kənd məktəbinin direktoru Binyət Binyətovun oğlunun əməllərinə görə işdən çıxarıldığını bildirib. Onun sözlərinə görə, direktorun 23 yaşlı oğlu Daşqın elə həmin məktəbin 13 yaşlı şagirdi ilə əxlaqsız hərəkətlər etdiyinə görə həbs edilib, atası isə təhsil sistemindən uzaqlaşdırılıb.

    Ucar rayon Bağman kənd orta məktəbinin direktoru Binyət Binyətovun 23 yaşlı oğlu Daşqın 7-ci sinif şagirdi A.Z.-ni yoldan çıxararaq əxlaqsızlığa vadar edib. Direktor oğlu məktəblinin uşaqlığından istifadə edərək onu sms vasitəsilə yoldan çıxarıb. Sonra isə qızı sms vasitəsilə yaşadığı evin hasarının yanına çağırıb. Orada qızla əxlaqsız hərəkətlər edib. Sonradan bu münasibət mütəmadi hal alıb. Onların bir-birinə yazdıqları əxlaqsız smslər də ortaya çıxıb.

Bu məsələnin üstünü qızın valideynləri açıblar. Onlar polisə şikayət edərək övladlarının bakirəliyinin pozulduğunu iddia etsələr də, ekspertizada bu təsdiqini tapmayıb. Lakin D.Binyətov yetkinlik yaşına çatmayan qızla etdiyi əmələ görə Cinayət Məcəlləsinin əxlaqsız hərəkətlər (153-cü) maddəsi ilə təqsirli bilinərək həbs edilib. Hazırda cinayət işi baxılması üçün rayon məhkəməsindədir.