AZ
RU
İslam Rzayev işsiz və aztəminatlı şəxslərin pulunu mənimsəyibmiş
Dövlət Təhlükəsizliyi Xidməti Balakən Rayon İcra Hakimiyyətinin sabiq başçısı İslam Rzayevin cinayət əməllərini ifşa edib. Qurumun Mətbuat xidməti əməliyyat görüntüləri paylaşıb.
Yenixeber.org-un məlumatına görə, rəsmi açıqlamada, həmçinin onun törətdiyi əməllər qeyd olunub.
Bildirilib ki, İslam Rzayev Balakən Rayon İcra Hakimiyyətinin başçısı vəzifəsində fəaliyyət göstərdiyi dövrdə dövlət büdcəsindən işsiz və aztəminatlı şəxslərə, rayon ərazisində təmir-tikinti və abadlıq-quruculuq işlərinə ayrılmış maliyyə vəsaitlərini vəzifə səlahiyyətlərindən sui-istifadə edərək mənimsəyib, belə vəsaitlərin təyinatı üzrə xərclənməsini təşkil etməyib, eləcə də vəzifəli şəxslərdən və iş adamlarından rüşvət alıb.
