Tədbirdə layihə rəhbəri Büllur Cavad qızı, kollecin müəllim və tələbə heyəti, eləcə də yerli gənclər iştirak ediblər. Görüş zamanı COP29-un əhəmiyyəti, iqlim dəyişikliklərinin insan sağlamlığı, ekoloji tarazlıq və cəmiyyətin dayanıqlığı baxımından təsirləri barədə geniş müzakirələr aparılıb.

Tədbir çərçivəsində gənclərə ekoloji düşüncənin və sosial məsuliyyətin vacibliyi, həmçinin sağlam həyat tərzinin əhəmiyyəti barədə məlumat verilib. Müzakirə zamanı tələbələr fəal iştirak edib, aktual mövzularla bağlı maraqlı fikirlər və təkliflər irəli sürüblər.

Sonda sual-cavab bölməsində fəallığı ilə seçilən 20 tələbə sertifikatla təltif olunub.

Layihə rəhbəri Büllur Məmmədova çıxışı zamanı qeyd edib ki,

“Şirvanlı gənclər COP29 kimi qlobal bir mövzuya çox ciddi yanaşır və sağlam düşüncəyə sahibdirlər. Onların sosial məsuliyyət hissi və müasir baxış bucağı bu cür layihələrin uğurunda mühüm rol oynayır.”

Tədbir gənclərin iqlim mövzularında maarifləndirilməsi, ekoloji düşüncənin təşviqi və ictimai fəallığın artırılması baxımından mühüm əhəmiyyət daşıyır.