AZ
RU
Baş katib: Azərbaycan ŞƏT-in fəal dialoq tərəfdaşıdır
Azərbaycan və Ermənistan Şanxay Əməkdaşlıq Təşkilatının (ŞƏT) fəal dialoq tərəfdaşlarıdır.
Yenixeber.org xəbər verir ki, bunu təşkilatın baş katibi Nurlan Yermekbayev "RİA Novosti"yə müsahibəsində bildirib.
Onun sözlərinə görə, hər iki ölkə həm ümumi əməkdaşlıq çərçivəsində, həm də birgə tədbirlərin keçirilməsində fəal şəkildə qarşılıqlı əlaqədədir.
Azərbaycan və Ermənistanın təşkilatdakı statusunun yüksəldilməsi planlarından danışan N.Yermekbayev vurğulayıb ki, yeni ölkələrin qəbulu ilə bağlı qərarı bütün üzv dövlətlər konsensus yolu ilə qəbul edir. "Hazırda bütün mövcud müraciətlər ŞƏT-in üzvü olan dövlətlər tərəfindən nəzərdən keçirilir", - baş katib əlavə edib.
Qeyd edək ki, hazırda Azərbaycan ŞƏT-in dialoq tərəfdaşıdır. Bununla yanaşı, ölkə təşkilatdakı statusunun müşahidəçi statusuna yüksəldilməsi üçün müraciət edib.
