AZ
RU
Türkmənistanda Azərbaycan məhsullarının onlayn satışı başlanılıb
Türkmənistanda "Made in Azerbaijan" brendi məhsullarının onlayn satışına başlanılıb.
Yenixeber.org: Bu barədə Azərbaycanın Türkmənistandakı səfirliyi məlumat yayıb.
Bildirilib ki, Azərbaycan məhsulları Türkmənistandakı üç böyük onlayn platformada – "GiperTM", "Ynamdar" və "AshgabatMarket"də satışa çıxarılıb.
Qeyd olunub ki, bu platformalar böyük bir istehlakçı auditoriyasına malik olduğu yerlərdir. İkin olaraq, müxtəlif kateqoriyalarda məhsullar, o cümlədən çaylar, mürəbbələr, meyvə suları və digər konservləşdirilmiş qidalar təbii tərkibi və yüksək keyfiyyəti ilə alıcılara onlayn platformalarda təqdim edilir.
Vurğulanıb ki, "Made in Azerbaijan" brendi məhsullarının Türkmənistan bazarında satışının onlayn formatda təqdim edilməsi onların daha geniş auditoriyaya çatmasına və daha çox müştəriyə əlçatan olmasına xidmət edir.
