AZ
RU
Putin Qərbə meydan oxudu:Heç kəsin “Oreşnik”i vurmaq şansı yoxdur
“Heç kəsin “Oreşnik”i vurmaq şansı yoxdur”.
Yenixeber.org: Məlumata görə, bunu Rusiya Prezidenti Vladimir Putin böyük mətbuat konfransında çıxışı zamanı “Oreşnik” raket kompleksi barədə danışarkən deyib.
“Təsəvvür edək ki, bizim sistemimiz 2 min kilometr məsafədə dayanıb, Polşa ərazisində yerləşən raket əleyhinə sistemlər belə ona çata bilməz. Heç kəsin bu raketləri vurmaq şansı yoxdur”, - deyə Putin qeyd edib.
Rusiya lideri, həmçinin Qərbdə “Oreşnik”in imkanlarına şübhə edənləri duelə dəvət edib: “Qoy onlar (“Oreşnik”in gücünə şübhə edən Qərb ekspertləri – red.) bizə bir texnoloji eksperiment, XXI əsrin yüksəktexnoloji duelini keçirməyi təklif etsinlər. Qoy vurmaq üçün bir obyekt seçsinlər, məsələn Kiyevdə. Qoy özlərinin bütün hava hücumundan müdafiə və raket əleyhinə sistemlərini ora yönəltsinlər. Biz isə oraya “Oreşnik”lə zərbə endirək və baxaq nə olur. Biz belə bir eksperimentə hazırıq”.(TASS)
