Bakıda qəsdən adam öldürməkdə şübhəli bilinən şəxs tutulub.

Yenixeber.org: Bu barədə Baş Prokurorluğun mətbuat xidməti məlumat yayıb.

Bildirilib ki, avqustun 17-də Sabunçu rayonu ərazisində 1999-cu il təvəllüdlü Xumar Həsənlinin almış olduğu xəsarətlərdən xəstəxanada ölməsi barədə rayon prokurorluğuna məlumat daxil olub:

"Araşdırmalarla 1997-ci il təvəllüdlü Bəxtiyar Vəliyevin rayon ərazisində yaşadıqları fərdi yaşayış evində arvadı Xumar Həsənliyə kəsici-deşici alətlə xəsarətlər yetirməsi nəticəsində sonuncunun müalicə olunduğu xəstəxanada ölməsinə əsaslı şübhələr müəyyən edilib.

Faktla bağlı Cinayət Məcəlləsinin müvafiq maddəsi ilə başlanmış cinayət işi üzrə Bəxtiyar Vəliyev Sabunçu rayon prokurorluğu tərəfindən həmin Məcəlləsinin 120.1-ci (qəsdən adam öldürmə) maddəsi ilə təqsirləndirilən şəxs qismində cəlb edilərək barəsində müstəntiqin vəsatəti və ibtidai araşdırmaya prosessual rəhbərliyi həyat keçirən prokurorun təqdimatı əsasında məhkəmənin qərarı həbs qətimkan tədbiri seçilib".

İbtidai istintaq davam etdirilir.

Bakıda əri tərəfindən bıçaqlanan qadın iki gün sonra ölüb.

Hadisə paytaxtın Sabunçu rayonunda qeydə alınıb.

Avqustun 17-də 1999-cu il təvəllüdlü Xumar Həsənli adlı xanım həyat yoldaşı Bəxtiyar Vəliyev tərəfindən bıçaqlanıb. Ağır xəsarətlərlə qadın xəstəxanaya yerləşdirilib.

Faktla bağlı Sabunçu Polis İdarəsində Cinayət Məcəlləsinin 126.1-ci (qəsdən sağlamlığa zərər vurma) maddəsi ilə cinayət işi başlanılıb, Bəxtiyar Vəliyev tutulub.

Həkimlərin səyinə baxmayaraq qadın iki gün sonra xəstəxanada ölüb.

Hazırda fakt üzrə Cinayət Məcəlləsinin 126.1-ci maddəsi açılan cinayət işi Cinayət Məcəlləsinin 120.1-ci(qəsdən adam öldürmə) maddəsinə tövsif olunub.