İspaniya Ukrayna Silahlı Qüvvələrinə (AFU) A4 modifikasiyalı 10 Leopard 2 tankından ibarət yeni zirehli texnika partiyasını təhvil verəcək.

Yenixeber.org: Bu barədə İspaniya Müdafiə Nazirliyinin rəsmi saytında məlumat verilib.

“Leopard 2A4 tanklarının bu yeni tədarükü ilə İspaniya Ukraynaya ümumilikdə 20 belə tank təhvil verib və 2024-cü ilin ikinci yarısında daha bir partiyanı hazırlayıb təhvil verməyi planlaşdırır”, – deyə sənəddə deyilir.

Madrid tanklarla yanaşı, müdafiə departamentinin sayını dəqiqləşdirmədiyi tank evakuatorları və tank əleyhinə raketlər də bağışlayır.

Qeyd edək ki, iyunun 21-də İspaniya Ukraynaya Patriot hava hücumundan müdafiə sistemləri üçün əlavə raket partiyasını təhvil verib.