AZ
RU
“Crocus City Hall”dakı terrorda zərər çəkənlərin sayı artıb
Moskva yaxınlığındakı “Crocus City Hall” konsert komleksində törədilən terror aktından zərər şəkənlərin sayı 360 nəfərə çatıb.
Yenixeber.org xəbər verir ki, Rusiya İstintaq Komitəsinin məlumatına görə, faciə zamanı 3-ü uşaq olmaqla 139 nəfər ölüb.
“Çərşənbə günü səhərə olan məlumata görə, terror aktı nəticəsində 360 nəfər, o cümlədən 11 uşaq yaralanıb”, - deyə Rusiyanın rəsmi qurumları bildirib.
Məlumata görə, 92 zərərçəkmiş xəstəxanaya yerləşdirilib, 63 nəfər artıq evə buraxılıb, 205 zərərçəkmişə isə ambulator yardım göstərilib.
Martın 22-də bir qrup silahlı şəxs “Piknik” qrupunun konserti başlamazdan əvvəl “Crocus City Hall”ın foyesində və konsert zalının özündə insanlara atəş açıb.
Faktla bağlı cinayət işi açılıb. Terror aktını törədən 4 nəfər həbs edilib.
“Crocus City Hall”da terror aktını sifariş edən şəxs hələ ki müəyyən edilməyib. Rusiya FTX-nin rəhbəri Aleksandr Bortnikovun dediyinə görə, terror aktı Qərbin xüsusi xidmət orqanlarına və Ukraynaya sərfəli olub.
