AZ
RU
Ukraynalı müəllimlərə 63 milyon avro ayrıldı
Dünya Bankı Ukrayna büdcəsinə 63 milyon avro köçürüb. Həmin vəsait müəllimlərin maaşına sərf olunacaq.
Yenixeber.org: Bu barədə Ukrayna Maliyyə Nazirliyi məlumat yayıb.
“Vəsait Beynəlxalq İnkişaf Assosiasiyası tərəfindən Dünya Bankının “Ukraynada davamlı dövlət idarəçiliyinin təmin edilməsi üçün dövlət xərclərinə dəstək” layihəsi çərçivəsində sərfəli şərtlərlə verilib”, - açıqlamada deyilir.
Bildirilib ki, kreditin qaytarılma müddəti 10 ildir. 4 illik güzəşt dövrü nəzərdə tutulub.
Diqqətə çatdırılıb ki, vəsait 2023-cü ilin fevral və mart ayları üzrə dövlət orqanları işçilərinin və müəllimlərin əməyinin ödənilməsinin təmin edilməsi üçün çəkilmiş büdcə xərclərinin qismən ödənilməsinə yönəldiləcək.
