AZ
RU
Zaxarova Qərbin sülh formulalarını məqbul hesab etmir
"Kənardan tətbiq edilən, xüsusən də sürətləndirilmiş rejimdə tətbiq edilən sülhpərvər formulalar yaxşı heç nəyə gətirib çıxarmadı".
Yenixeber.org: Bunu Rusiya XİN-in sözçüsü Mariya Zaxarova ABŞ və Aİ-nin Ermənistan-Azərbaycanın sülh yolunda fəallığı haqqında danışarkən deyib.
"Brüssel və Vaşinqton əvvəllər İrəvanla Bakı arasında danışıqlarda xüsusi fəallıq nümayiş etdirmirdilər, lakin indi vəziyyət dəyişib. Moskva Ermənistanla Azərbaycan arasında üçtərəfli formatda münasibətlərin normallaşdırılması üzərində işləyir, üç ölkənin liderləri arasında imzalanmış sazişlər toplusunu mübahisəsiz yol xəritəsi hesab edir. Rusiya heç nəyi formalaşdırmağa çalışmır və ardıcıl olaraq irəliləyir. Prioritet tərəflərin yanaşmalarını bir-birinə yaxınlaşdırmaq və balanslaşdırılmış həll yollarını hazırlamaqdır. Moskva İrəvanla münasibətlərdə dialoqu seçir", - o qeyd edib.
Zaxarova Ermənistan Təhlükəsizlik Şurası katibinin kommunikasiyalarla bağlı bəyanatına cavab verib.
