AZ
RU
SOCAR I rübdə 500 milyon manatdan çox vergi ödəyib
Bu ilin I rübündə Azərbaycanın dövlət büdcəsinin neft sektoru üzrə gəlirləri 3 milyard 860 milyon manat təşkil edib ki, bunun da 59,2 %-ni və yaxud 2 milyard 284 milyon manatını vergi orqanlarının xətti ilə daxilolmalar, 40,8 %-ni və yaxud 1 milyard 576 milyon manatını Dövlət Neft Fondundan transfert təşkil edib.
Yenixeber.org: Maliyyə Nazirliyindən verilən məlumata görə, İqtisadiyyat Nazirliyi yanında Dövlət Vergi Xidmətinin xətti ilə büdcəyə daxil olmuş vəsaitin 67,7 %-i və yaxud 1 milyard 545,7 milyon manatı "Şahdəniz" yatağı üzrə mənfəət vergisi, 22,5 %-i və yaxud 513,1 milyon manatı Azərbaycan Dövlət Neft Şirkətinin (SOCAR) ödədiyi müvafiq vergilər, 9,8 %-i və yaxud 225,2 milyon manatı isə Azərbaycan Beynəlxalq Əməliyyat Şirkətinin ödədiyi mənfəət vergisi olub.
