Yenixeber.org: Məsələn, qondarma rejimin keçmiş "xarici işlər naziri" Arman Melikyan 24TV-nin efirində çıxışı zamanı cənub qonşularını xeyli tərifləyib. O hətta İranın guya Azərbaycanı hərbi cəhətdən cazalandırmaq iqtidarında olduğunu da iddia edib. Daha doğrusu, İrəvanın yeni müttəfiqi hazırda buna çalışır.
 

Melikyan bir qədər də irəli gedərək qeyd edib ki, "Kiyev Moskva üçün necə bir şəhərdisə, Bakı da İran üçün eyni şəhərə çevrilir. Azərbaycan paytaxtı İkinci Qarabağ müharibəsinin bədəlini ödəməlidir". Sərsəm separatçı müharibənin bitmədiyini, hələ də davam etdiyini söyləyib.

Melikyanın sözlərinə görə, yeni aktiv və genişmiqyaslı müharibənin başlayacağı təqdirdə meydanda ermənilərin heç bir müttəfiqi görünməyəcək. Yəni belə bir müttəfiq qalmayıb: "Maraqlar yalnız İranla üst-üstə düşə bilər. Amma ümumilikdə erməni tərəfi özünə arxalanmağı bacarmalıdır. Separatçı həm də onu proqnozlaşdırıb ki, əgər Bakı İrəvanla yeni toqquşamada uğur qazansa, Rusiya-İran və Rusiya-Çin münasibətləri də kəsiləcək.