İlkin məlumata görə, pilotsuz təyyarə hərbi obyektlərdən birinə doğru uçsa da, Rusiya hava hücumundan müdafiə sistemi tərəfindən vurulub: xoşbəxtlikdən heç kim xəsarət almayıb.

“Yenixeber.org”  md.tsargrad.tv-yə istinadən məlumat verir ki, Kaluqa vilayətinin qubernatoru Vladislav Şapşa yaşadığı bölgədə baş vermiş təhlükəli hadisə barədə məlumat verib. Ukrayna Silahlı Qüvvələrinə məxsus 50 metr hündürlükdə uçan pilotsuz döyüş aparatı bu gün səhər saat 5-də Kaluqa yaxınlığındakı meşə zolağı üzərində havada hava hücumundan müdafiə vasitəsi ilə məhv edilib.

Hadisə şahidlərinin sosial şəbəkələrdə verdiyi məlumata görə, partlayış Kaluqa şəhərinin iki ətrafı - Mstixino və Rezvan kəndləri arasındakı meşədə baş verib.

Kaluqa ətrafının sakinləri əvvəlcə səs-küy eşidiblər, sonradan məlum olub ki, bu, Ukraynaya məxsus pilotsuz uçan aparat olub. Partlayış nəticəsində xəsarət alan olmayıb, infrastruktura ziyan dəyməyib.

Lakin partlayış anı videoya düşüb. Video dərhal sosial şəbəkələrdə yayılıb.

Tərcümə etdi: Səadət Sultan