AZ
RU
Münhendə Ukraynaya silah verilməsinə qarşı kütləvi nümayiş keçirilib
Yanvarın 26-na keçən gecə Münhendə tankların Kiyevə verilməsinə qarşı etiraz aksiyaları keçirilib.
“Yenixeber.org” RIA Novosti-yə istinadən məlumat verir ki, Aksiya München steht auf (“Münhen yüksəlir”) təşəbbüsü ilə təşkil olunub. Bu təşəbbüs silahsız və sanksiyalarsız bir dünyanı müdafiə edir.
İştirakçılar Marienplatzdakı bələdiyyə binasının qarşısına toplaşıblar. Aksiya iştirakçıları özləri ilə birlikdə sülhə çağıran və Ukraynaya silah tədarükünün dayandırılmasını tələb edən şüarlar yazılmış bayraqlar və plakatlar gətiriblər.
Xatırladaq ki, çərşənbə günü, yanvarın 25-də Almaniya hakimiyyəti Ukraynaya daha bir hərbi yardım partiyasının köçürülməsinə razılıq verib. Söhbət, xüsusilə Leopard 2 tanklarının tədarükündən gedir.
Tərcümə etdi: Səadət Sultan
