Böyük Britaniyanın keçmiş baş naziri Boris Conson və onun siyasi fəaliyyətini dəstəkləmək üçün təsis edilmiş “The Office of Boris Johnson Ltd” təşkilatı əvvəllər Brexit-i dəstəkləyən Tailanddan olan britaniyalı iş adamı Kristofer Harburndan 1 milyon funt-sterlinq ianə alıb.

“Yenixeber.org”  The Guardian-na istinadən məlumat verir ki, Böyük Britaniyanın keçmiş baş naziri Conson 1 milyon funt sterlinq ianə alır.

“Britaniya siyasətçiləri arasında Brexit-in sadiq tərəfdarının verdiyi ən böyük ianələrdən biri, şübhəsiz ki, Consonun bir növ [böyük siyasətə] qayıdışı planlaşdırdığı barədə şayiələri gücləndirəcək”, - deyə, nəşr yazır.

Hökumət və parlament tərəfindən hər ay yenilənən gəlir reyestri göstərir ki, bu ianəyə əlavə olaraq, Conson dekabr ayında baş nazirliyi tərk etdikdən sonra iki çıxışında 250.000 funt sterlinqdən çox qazanıb.

Bundan əvvəl məlum olmuşdu ki, Böyük Britaniyanın keçmiş baş naziri Boris Conson tezliklə Ukraynaya səfər etməyi və prezident Vladimir Zelenski ilə görüşməyi planlaşdırır. Bu yolla o, Britaniya hökumətinə rəhbərlik edən Rişi Sunakın nüfuzunu sarsıda bilər.