AZ
RU
Yenixeber.org: Ermənistan mediası xəbər verir ki, burada yaşayan bir qrup separatçı sülhməramlılara etiraz əlaməti olaraq Xocalı aeroportunun ətrafına toplaşıblar. Qeyd edilir ki, etirazçılar tonqal qalayaraq səhərə kimi aeroportun ətrafından əl çəkməyiblər.
"Bir qrup Qarabağ ermənisi gecəni Rusiya sülhməramlı qüvvələrinin mərkəzi qərargahının yerləşdiyi Xocalı hava limanının yaxınlığında keçirib. Onlar sülhməramlıların nəzarətində olan Laçın dəhlizinin açılmasını və rus qoşunlarının bölgədəki komandanı general Volkovla görüşməyi tələb edirlər", - "Mamul" saytı yazıb.
Xatırladaq ki, dünən Qarabağdakı qondarma "partiya rəhbər"lərindən biri, təxribatçı Petrosyan insanları Xocalı hava limanına etiraz aksiyası üçün aparıb. Rusiya hərbçiləri isə sülhməramlı kontingentin komandanı Andrey Volkovla görüşmək istəyən erməniləri təhqir ediblər.
.jpg)
