AZ
RU
Enerji Məsələlərini Tənzimləmə Agentliyi oktyabrda 461 müraciət qəbul edib
Bu ilin oktyabr ayında Energetika Nazirliyinin tabeliyindəki Enerji Məsələlərini Tənzimləmə Agentliyinə (AERA) istehlakçıların hüquqlarının qorunması, abonentlərin elektrik və istilik enerjisi, təbii qazla təchizatı və digər məsələlərlə bağlı bilavasitə və Energetika Nazirliyindən 461 müraciət daxil olub.
Yenixeber.org: Bu barədə qurumdan məlumat verilib.
Məlumatda deyilir ki, bunlardan elektrik enerjisi təchizatı ilə bağlı 50-si məlumat üçün olmaqla cəmi 405 müraciət, təbii qaz təchizatı ilə bağlı 7-si məlumat üçün olmaqla cəmi 45 müraciət, 2-si məlumat üçün olmaqla 11 müraciət isə digər məsələlərlə bağlı olub.
Ümumilikdə 461 müraciətdən 178 müraciət araşdırılıb və cavablandırılıb, 4 müraciət müvafiq qaydada baxılması və tədbir görülməsi üçün aidiyyəti qurumlara göndərilib. Həmçinin 224 müraciət hazırda baxılma prosesindədir, 59 məlumat xarakterli müraciətdən 18-i qaldırılan problemlərin həlli ilə bağlı təşəkkür məktubu olub.
