AZ
RU
Azərbaycanlı tələbələr İsrailin kənd təsərrüfatı təcrübəsi ilə tanış olacaqlar
Azərbaycandan olan tələbələr bu ilin avqustunda İsrailin kənd təsərrüfatı sahəsindəki təcrübəsini öyrənmək üçün adıçəkilən ölkəyə səfər edəcəklər.
Yenixeber.org: Bu barədə İsrailin kənd təsərrüfatı və kənd yerlərinin inkişafı naziri Oded Forer məlumat verib.
“İsrailin aqrar sektorunu, xüsusən də quraq rayonlarda kənd təsərrüfatının necə aparıldığını, kənd təsərrüfatı məhsullarını necə yetişdirdiyimizi və bu sahədə xüsusi texnologiyalardan necə istifadə etdiyimizi canlı görmək üçün bir il müddətinə İsrailə gələcək 50 tələbə ilə görüşdük”, - nazir deyib.
O.Forer vurğulayıb ki, bərpa edilməli olan böyük ərazini nəzərə alsaq, hazırda Azərbaycanın qarşısında böyük imkanlar açılır: "İsrail kənd təsərrüfatının inkişafında maraqlı olan Azərbaycanın gənc nəslinin yetişdirilməsinə bilik və təcrübəsi ilə kömək edə bilər".
