AZ
RU
Azərbaycan və Rusiya Xəzərlə bağlı məsləhətləşmələr aparıb
Rusiyanın Xəzər dənizi məsələləri üzrə Yüksək Səviyyəli İşçi Qrupda nümayəndə heyətinin başçısı Mixail Petrakovla Azərbaycan Prezidentinin sərhəd və Xəzər dənizi məsələləri üzrə xüsusi nümayəndəsi Xələf Xələfov arasında ikitərəfli məsləhətləşmələr keçirilib.
Yenixeber.org: Bu barədə Azərbaycan Xarici İşlər Nazirliyindən məlumat verilib.
Məlumata görə, məsləhətləşmələr zamanı Xəzər dənizinin hüquqi statusu haqqında Konvensiyanın implementasiyası ilə bağlı məsələlər, növbəti Xəzər Zirvə görüşünə hazırlıq, Xəzəryanı dövlətlər arasında hazırda razılaşdırma mərhələsində olan sahəvi əməkdaşlıq məsələləri ilə bağlı saziş layihələri ətrafında fikir mübadiləsi aparılıb.
