İstanbulda bugünkü danışıqlar başlamazdan əvvəl Ukraynanın xarici işlər naziri Dmitri Kuleba Rusiya Federasiyası ilə danışıqlara gedəcək hər kəsə “heç nə yeyib-içməməyi və hər hansı səthə toxunmaqdan çəkinməyi” tövsiyə edib.
Yenixeber.org: O, bu barədə Ukraynanın “Ukrayna 24” telekanalına müsahibəsində bildirib.
Xəbərdarlıq bu ayın əvvəlində Ukrayna-Belarus sərhədində sülh danışıqları zamanı rusiyalı milyarder Roman Abramoviç və ukraynalı nümayəndənin şübhəli bilinən zəhərlənməsindən sonra edilib.
Bildirilib ki, iddia edilən zəhərlənmə ilə bağlı bəzi şübhələr var.
“Reuters” adı açıqlanmayan bir ABŞ rəsmisinə istinadən xəbər verir ki, kəşfiyyat həmin şəxslərin simptomlarının zəhərlənmə ilə deyil, “ətraf mühit” faktorları ilə bağlı olduğunu irəli sürüb.
Xatırladaq ki, Rusiyalı milyarder Roman Abramoviçə yaxın mənbələr onun bu ayın əvvəlində sülh danışıqlarında şübhəli zəhərlənmə əlamətləri olduğunu bildirib.
Qeyd edək ki, İstanbulda keçirilən Rusiya-Ukrayna nümayəndə heyətlərinin danışıqlarının növbəti mərhələsində rusiyalı iş adamı R. Abramoviç də iştirak edib.