AZ
RU
Ermənistanın sabiq səhiyyə naziri:“Ölkədə peyvəndləmə səviyyəsi aşağıdır”
“Ermənistan əsas diqqəti məhdudlaşdırma tədbirlərinə deyil, peyvəndlənənlərin sayının artmasına yönəltməlidir”.
Yenixeber.org: “Sputnik-Armenia”xəbər verir ki, bu barədə Ermənistan parlamentinin “Vətəndaş müqaviləsi” fraksiyasının deputatı, ölkənin sabiq səhiyyə naziri Arsen Torosyan bildirib.
Fevralın 7-nə olan məlumata görə, ölkədə koronavirus infeksiyasına qarşı 1 milyon 925 min 556 peyvənd vurulub. Ölkədə 858 981 nəfər tam peyvənd olunub.
Onun sözlərinə görə, Ermənistan ictimaiyyətində peyvəndləmə prioritet hesab olunmur: "Vətəndaşların çoxu peyvəndi ikinci dərəcəli hesab edir və bundan yayınmağa çalışırlar. İnsanlara COVID-ə qarşı peyvənd olunmanın vacibliyini təlqin etmək lazımdır. Ölkədə peyvəndləmə səviyyəsi 29% təşkil edir. Bu, aşağı göstəricidir və bu şəraitdə məhdudiyyətlərin aradan qaldırılması mümkün deyil".
Deputat deyib ki, peyvəndləmə səviyyəsi 80-90%-ə çatdırılmalıdır.
Xatırladaq ki, Ermənistanda peyvəndləmə prosesinə ötən il martın 31-də başlanılıb.
.jpg)
