AZ
RU
Batumidə axtarış-xilasetmə işləri başa çatdı-YENİLƏNDİ
Gürcüstanın Daxili İşlər Nazirliyinin Fövqəladə Hallar İdarəsi Batumi şəhərində dağılan binanın yerində axtarış-xilasetmə işlərini başa çatdırıb.
Yenixeber.org: Bu barədə nazirliyin məlumatında deyilir.
"Batumidə axtarış-xilasetmə tədbirləri başa çatıb, ərazidə polis əməkdaşları qalır və təhqiqat tədbirləri davam edir", - xəbərdə deyilir.
Qeyd edək ki, Batuminin 26 may küçəsində bina cümə günü səhər çöküb. Gürcüstanın 400 xilasedicisi fasiləsiz rejimdə dağıntılar altında qalanların xilas edilməsi ilə məşğul olurlar. Hadisə zamanı 9 nəfər ölüb, onların 3-ü uşaqdır. Bir neçə nəfər dağıntılar altından sağ çıxarılıb. Dağıntılar altından sağ çıxarılan bir nəfərin vəziyyəti ağır qiymətləndirilir.
***
Batumidə çökən binaya görə saxlanılanlardan biri Azərbaycan vətəndaşıdır
Gürcüstanın Batumi şəhərində binada çökmənin baş verməsi ilə bağlı saxlanılan üç şəxsdən biri Zaur Budaqov adlı Azərbaycan vətəndaşıdır.
Bu barədə məlumatı yerli “Mtavari arxi” telekanalı yayıb.
Bildirilib ki, o, bir neçə ildir Batumidə yaşayır və kazinoların birində menecer işləyir. Z.Budaqovun həmin binadakı mənzilində aparılan təmir-bərpa işlərində təhlükəsizlik qaydalarının kobud pozduğunu qeyd olunub. Onun mənzil və zirzəminin birləşdirilməsi xahişi ilə oktyabrın 4-də Dövlət Reyestrinə müraciət etdiyi məlum olub.
Azərbaycan vətəndaşının vəkili deyib ki, müdafiə etdiyi şəxs istintaq çərçivəsində artıq ifadə verib.
Xatırladaq ki, Batumidə yaşayış binasının bir bloku ötən gün saat 12:00 radələrində çöküb. Nəticədə 3-ü uşaq olmaqla 9 nəfər ölüb. Faciə ilə bağlı olaraq oktyabrın 11-i Gürcüstanda matəm günü elan edilib.
