AZ
RU
Mixail Saakaşvilinin durumu pisləşir
"Gürcüstanın keçmiş prezidenti Mixail Saakaşvili artıq 8-ci gündür aclıq edir və onun fiziki durumu getdikcə pisləşir". Bunu M.Saakaşvilinin vəkili Beka Basilaya jurnalistlərə açıqlamasında bildirib. Vəkil deyib ki, ailə üzvləri sabiq dövlət başçısı ilə bazar ertəsi görüşə biləcəklər.
Yenixeber.org: Gürcüstan KİV-lərinin yaydığı xəbərə görə, paytaxt Tbilisinin mərkəzi küçə və prospektlərində “Mişaya azadlıq!” trafaret yazıları peyda olub. Yazılara asfalt üzərində, binaların fasadlarında və yeraltı keçidlərdə rast gəlinir. Analoji yazılar Kutaisi və Zuqdidi şəhərlərində də var.
Qeyd edək ki, müxalif Vahid Milli Hərəkat Partiyası sabiq prezident Mixail Saakaşvilinin azadlığa buraxılması tələbi ilə yaxın günlərdə Tbilisidə genişmiqyaslı aksiya keçirmək barədə qərar qəbul edib.
.jpg)
