“Taliban” döyüşçüləri Əfqanıstanın şimalında müqavimət qüvvələri tərəfindən müdafiə olunan Pəncşir əyalətinə hücum edərkən 300-dən çox döyüşçüsünü itirib”.

Yenixeber.org: Bu barədə bölgədəki mənbə məlumat yayıb.

Bildirilib ki, bir neçə “Taliban” üzvü ağır yaralanıb, əsir götürülənlər də var.

Hazırda bölgənin girişlərində döyüşlər davam edir. “Taliban” müdafiə xəttini yara bilməyib.

Daha əvvəl Taliban səlahiyyətliləri, altı əhəmiyyətli Panсşir forpostunu ələ keçirə bildiklərini və bölgəyə əhəmiyyətli dərəcədə irəliləyə bacardıqlarını söyləyib.

***

21:30

Əfqanıstanda Pəncşir vilayəti ətrafında gedən döyüşlərdə 34 "Taliban" döyüşçüsü öldürülüb, 65 yaralanıb.

Xarici KİV-lər xəbər verir ki, bunu ölkənin sabiq müdafiə naziri Bismillah Mohammadi söyləyib.

Daha əvvəl, "Sputnik Əfqanıstan" mənbələrinə istinadən xəbər verib ki, Pəncşir ətrafında "Taliban" və müqavimət qüvvələri arasında toqquşmalar gecə saat 2 -dən etibarən davam edir. Müqavimət Cəbhəsi tərəfindən təsdiq edilmiş itkilər var. Qeyd olunur ki, "Taliban" fəal şəkildə artilleriyadan istifadə edir.

***

16:58

Əfqanıstanda hakimiyyəti ələ keçirmiş “Taliban” qruplaşması tabe olmaqdan imtina edən Pəncşir vilayətindəki müqavimət qüvvələrinə çağırış ünvanlayıb.

Çağırışda bu qüvvələrin “Taliban”a birləşməsi təklif olunub.

“Toqquşmalardan qaçmaq üçün müqavimət qüvvələrini hərəkata qoşulmağa çağırırıq”, - bildirilib.

“Taliban” həmçinin Pəncşirə qubernator təyin edib.

Qeyd edək ki, Pəncşirdəki qüvvələrə Əhməd Məsud və Əfqanıstanın birinci vitse-prezidenti Əmirulla Saleh başçılıq edir.(TASS)