AZ
RU
Ermənistanın ikinci prezidenti Robert Koçaryan deputat mandatından imtina edib.
Yenixeber.org: Bu barədə o, “Facebook”da bildirib.
Koçaryan 20 iyunda keçirilən erkən parlament seçkilərində , “Ermənistan” blokuna rəhbərlik edib.
Onun sözlərinə görə, bir vaxtlar deputat olub, ancaq xaraktercə özünü daha çox icraedici hakimiyyətin adamı hesab edir. Koçaryan deputat kreslosunun komandanın digər üzvlərinə verməyin daha doğru olacağına əminliyini ifadə edib.
Sabiq prezident ona blokun baş nazir vəzifəsinə namizəd olaraq səs verildiyini deyib. Eyni zamanda Koçaryan mandatdan imtinasının siyasi mübarizəni dayandırması demək olmadığını bildirib. O, blokun lideri olmağa davam edəcəyini və gələcək qələbələr üçün çalışacağını söyləyib
Xatırladaq ki, Koçaryanın bloku parlamentdə 29 yer alacaq.
