Türkiyə prezidenti Rəcəb Tayyib Ərdoğanın sədrliyi ilə Milli Təhlükəsizlik Şurasının iclası keçirilib.

Yenixeber.org: Məlumata görə, toplantıda Türkiyə Silahlı Qüvvələrinin Azərbaycan, Liviya və Suriyadakı fəaliyyəti, Kipr problemi, İraqın şimalında keçirilən antiterror əməliyyatları, Egey və Aralıq dənizindəki vəziyyət və s. məsələlər müzakirə olunub.

Türkiyə Milli Təhlükəsizlik Şurasının iclası başlayıb.

Toplantıya ölkə prezidenti Rəcəb Tayyib Ərdoğan sədrlik edir.

İclasda müzakirə olunan məsələlərdən biri də Azərbaycanın Ağdam rayonunda yerləşən və Qarabağda atəşkəsə nəzarət edən Türkiyə-Rusiya Birgə Monitorinq Mərkəzinin fəaliyyətidir.

Toplantıda Türkiyə Silahlı Qüvvələrinin Azərbaycanla yanaşı, Liviya və Suriyadakı fəaliyyəti də nəzərdən keçirilir.

İclasda İraqın şimalında terrorçulara qarşı keçirilən “Pençe” əməliyyatlarının gedişi, Kipr məsələsi, Egey və Aralıq dənizindəki vəziyyət, terrora qarşı mübarizə və digər strateji məsələlər müzakirə olunur.

İyunun 14-də Brüsseldə NATO-ya üzv dövlətlərin zirvə toplantısı keçiriləcək. Təhlükəsizlik Şurasında müzakirə edilən digər məsələ Türkiyə hərbçilərinin alyansdakı vəzifələri ilə bağlıdır.(report)