"Bakı İqtisadiyyat və Humanitar Kolleci rüşvət yuvasına çevrilməkdə ittiham edilir. Kollecin direktoru Rüxsarə Əliyeva bu təhsil ocağını market kimi idarə edir. Kollecdə hər şey direktorun "qiymət tas”ından asılıdır. Yəni, tələbələrdən toplanan pulların məbləği bazar məzənnələri ilə tənzimlənir.”

Yenixeber.org: İnternetdə axtarış verərkən Bakı İqtisadiyyat və Humanitar Kolleci haqda məhz bu tipli xəbərlərə rast gəlmək olur:

"Mediada yayılan xəbərlərdə bildirilir ki, kollec direktoru tələbələrdən alınan pulları bacısının əliylə toplayır. Bacısı isə kollecin kordiorunda gəzməklə duruma nəzarət edir və alış-veriş işlərini reallaşdırır.

Səhərdən axşama qədər əlində çanta ilə koridorda dolaşan sözügedən şəxsin Bakı İqtisadiyyat və Humanitar Kollecində işləməməsi isə bir ayrı mətləbdir.

Kollecin direktoru Rüxsarə Əliyeva Təhsil Nazirliyindən buraya transfer olunduqdan sonra qaydalarla yanaşı, durum da dəyişib.”

Bəzi saytlarda direktorun hətta süpürgəçinin maaşını mənimsədiyi iddia olunur.

Lakin bu gün mövzu başqadır. Saytımıza daxil olan məlumata görə Rüxsarə Əliyevanın kollecdə işləyən Səadət adlı bacısı haqda cinayət işi açılıb.

Xəbər verilir ki, bir neçə gün əıvvəl onu hətta polis idarəsində dindiriblər. Səadət xanımın bir neçə adamdan iş düzəltmək və s işlər adı altında böyük məbləğlər aldığı deyilir. Ehtimal ki, bu işdə direktorun da adı hallanmamış deyil.

Məsələ ilə bağlı kollecə zəng edib direktorla əlaqə saxlamaq istəsək də iclada olduğunu dedilər. Məsələ ilə bağlı özünə xəbər veriləcəyini dedilər.

Rüxsarə Əliyeva iclası bitirən kimi qarşı tərəf kimi möpvqeyin dərc edə bilərik.(reportaj.tv)