Yenixeber.org: Ölkə prezidenti İlham Əliyevin harınlamış məmurların övladlarına qarşı sərgilədiyi münasibət ortadadır. Prezident səsləndirdiyi fikirlərin bir çoxunda cəmiyyətdə özünü apara bilməyən vəzifəli şəxslərin övladlarına və onların bu həddə çatmasında birbaşa rolu olan valideynlərinə barmaq silkələyərək ciddi xəbərdarlıqlar edib. İlham Əliyev dəfələrlə məmurlara və onların övladlarına daha sadə həyat tərzi keçirmələrini, sıravi vətəndaşlara yuxarıdan aşağı baxmamağı, hamı kimi qanunlara sözsüz əməl etməyi tapşırıb. O hətta birmənalı şəkildə bildirib ki, harınlamış məmur balaları etdikləri hər bir əmələ görə qanun qarşısında cavab verəcəklər. Maraqlıdır, bir sıra məmurlar və onların övladları ölkə başçısının ən sərt formalı xəbərdarlığından sonra belə şəhərin müxtəlif yerlərində, hətta mərkəzi küçələrində «avtoş»luq edir, qanunlara məhəl qoymadan müxtəlif səsgücləndiricilərdən istifadə edir, hətta günün günorta çağı dava-dalaş, mübahisələr törədirlər. Ancaq hansı məmur və oğlu prezidentin tapşırığına əməl etmirsə, gec-tez layiq olduğu cəzanı alır. Reportyor.tv -yə daxil olan məlumata görə belə məmur qohumlarından biri də Suraxanı icra başçısının bacısı oğlu Murad Ağayevdir. Beləki, Murad Ağayev Suraxanı icra başçısı Əziz Əzizovun bacısı oğlu olmaqla yanaşı həm də onun köməkçisidir. Maraqlı tərəf ondan ibarətdir ki. bu  məmur qohumunun yaşadıqları bahalı həyat şəraiti ilə bağlıdır. Belə ki, müxtəlif vəzifələrdə çalışan M.Ağayev bahalı maşınlarda gəzərək, brend geyimlər geyinərk sosial şəbəkələrdə poz verir.. Həmçinin dəbdəbəli villalarda yaşayaraq sadə həyat tərzi keçirən vətəndaşlara yuxarıdan aşağa baxır. Buna sübut icra hakimiyyətinə dərdinə çarə axtarmağa gələn sadə vətəndaşları aşağlaması sübutdur.