AZ
RU
.jpg)
““Sabina” parfümeriya-kosmetika mağazalar şəbəkəsində ötən ilin tarixində istehsal olunan məhsullar satılır”.
Yenixeber.org: Bu barədə redaksiyamıza şikayət daxil olub. Aynurə Həsənova adlı şəxs şikayət edərək bildirib ki, utilizasiya ediləsi məhsulları endirimlə camaata satırlar:
““Sabina” parfümeriya-kosmetika mağazalar şəbəkəsinin Metroparkda yerləşən filialından endirimlə dodaq parıltısı aldım. Mağazadan çıxdıqdan sonra məhsulun üzərində istifadə müddətinin 2018-ci ilin 1 yanvar tarixində bitdiyinin yazıldığını gördüm. Təbii ki, məhsulu qaytarıb pulumu geri aldım. Baxmayaraq ki, mən şikayət etmişdim, mağazada belə məhsulların satışının davam etdiyini gördüm”.
Şikayətlə bağlı “Sabina” parfümeriya-kosmetika mağazalar şəbəkəsinin Metroparkda yerləşən filialı ilə əlaqə saxladıq. Mağazanın rəhbəri Altay Məmmədov saytımıza açıqlama verərək bildirib ki, belə halların baş verməsi normaldır:
“ Ola bilər ki, mağazada istehsal müddəti bitmiş məhsul olsun. Çünki, indi endirimlər vaxtıdır və alıcılar çox olur. Qarışıqlıq olur. Yəqin ki, məhsullar qarışıb. Amma biz tez-tez yoxlama işləri aparırıq. Bir neçə gündür ki, yeni yoxlama işləri aparırıq. Və belə məhsullar aşkarladığımız zaman mağazadan yığışdırırq”.(big.az)
.jpg)
