Beynəlxalq hüquq üzrə professor, tanınmış ekspert Fərhad Mehdiyev son illərin ən böyük bəlasına çevrilən xərçəng xəstəliyi, bunun yaranma səbəbləri və həkimlərin sözügedən xəstəlik üzərindən öz gəlirlərini güdməsi ilə bağlı maraqlı mövqe sərgiləyib.

Yenixeber.org: Professor xərçəng xəstəliyi ilə bağlı 5 xüsusi məqama diqqət çəkib:

1. İrana xərçəngin müalicəsi üçün getməyin. Onların həkimlərinin vədlərinə aldanmayın.

2. Xərçəng xəstəsini yaşatmaq ilk mərhələdə aşkar edildikdə mümkündür. Hərçənd bəzi xərçəng növləri müalicəyə daha əlverişlidir, bəziləri isə hansı mərhələdə olursa-olsun, çox çətindir.

3. Almaniyada xərçəng xəstəsinin müalicəsinin qiyməti 200 min avrodan başlayır. 1 və 2-ci mərhələdə olanları yaşadırlar; 3-cü mərhələdə olanlar bəzən, 4-cü mərhələdə olanlar isə demək olar, heç vaxt sağalmır.

4. Xərçəng bir xəstəlikdən daha çox, nəticədir. İmmun sisteminin zəifləməsinin, bədəni uzun müddət zəhərləmənin nəticəsidir. Çalışın gənc yaşdan sağlamlığın qeydinə qalın. İçkidən, siqaretdən, konservləşmiş qidadan, toksik maddələrdən, stressli mühitdən uzaq durun.

5. Çox həris olmayın. Lüks maşınlar, bahalı paltarlar, evlər əldə edə bilməmisinizsə, kefinizi pozmayın, çünki hamısını sonunda itirəcəksiniz. İndiyə kimi bütün insanlar öldükdən sonra yanlarında heç nə saxlaya bilmir, 2 metr uzunluğunda bir qəbir yerindən başqa.

Çalışın, ətrafda daha çox üz güldürün, daha şərəfli həyat yaşayın.