AZ
RU
Məşhur azərbaycanlı alim seçki yarışına qatıldı -22-dən namizəddir
Dünya Tibbi Hüquq Assosiasiyasının birinci vitse-prezidenti, Azərbaycan Tibb Universitetinin məhkəmə təbabəti kafedrasının, Bakı Dövlət Universitetinin hüquq fakültəsinin və Seçenov adına Birinci Moskva Dövlət Tibb Universitetinin Bakı filialının professoru, YUNESKO-nun Bioetika Kafedrasının Azərbaycan bürosunun rəhbəri, tibb elmləri doktoru, hüquqşünas Vüqar Məmmədov fevralın 9-da keçiriləcək növbədənkənar parlament seçkilərində iştirak edəcək.
Yenixeber.org: Seçki qərargahından verilən məlumata görə, professor 22 saylı Nəsimi İkinci Seçki Dairəsindən namizədliyini irəli sürüb və qeydə alınıb.
Namizəd saytımıza açıqlamasında deyib ki, etika və qanun çərçivəsində ciddi və qalibiyyətə aparan mübarizəyə hazırlaşır. "Bu prosesin asan olmadığını bilirəm, lakin insanlarımızın ürəklərini və səslərini qazana biləcəyimə və verilən səsləri qoruya biləcəyimə əminəm" - deyə Vüqar Məmmədov vurğulayıb.
