AZ
RU
Rusiyanın Türkiyəyə göndərdiyi S-400 zenit raket komplekslərinin ilk tədarük mərhələsi bu gün başa çatıb.
Yenixeber.org: Tədarük prosesi çərçivəsində Ankaranın Mürtəd Hava Limanına 30 yük təyyarəsi enib.
Sistemlərin ikinci batareyası da Ankaraya gətiriləcək.
Bundan başqa, Türkiyə Milli Müdafiə Nazirliyindən verilən məlumata görə, Fransanın təklif etdiyi “SAMP-T” batareyası Cənub-şərqi Anadolu bölgəsinə yerləşdiriləcək.
Açıqlamada həmçinin, ABŞ-ın Türkiyəni F-35 proqramından çıxarması iddialarına da cavab verilib. Bildirilib ki, bu qərar NATO-nun cənub qanadına zərbə vuracaq. Bundan əlavə, ABŞ-da F-35 təyyarələri ilə təlim keçən türk pilotlar və texniki işçilərin daxil olduğu 40 nəfər Türkiyəyə geri qayıtmağa hazırlaşır.(publika)
