Mən, bizim Qarabağla bağlı apardığımız siyasəti səhv hesab edirəm.Dağlıq Qarabağ münaqişəsi ilə hamımız məşğul olmalı, xalqın və müxalifətin bu prosesdə iştirak etməlidir. Mən hesab edirəm ki, Azərbaycanda qeyri rəsmi könüllü birliklər, könüllü ordu, partizan dəstələrinin təşkilinə dair qərar qəbul olunmalıdır. Bir sözlə, partizan fəaliyyətinə imkan olmalıdır. Qanunla bu fəaliyyət növü qadağan edilməməlidir. Nəzərə almalıyıq ki, Dağlıq Qarabağ probleminin həll yolu yalnız müharibədən keçir.
Yenixeber.org:Məlumata görə, bu sözləri ADP sədri Sərdar Cəlaloğlu bildirib.
Onun sözlərinə görə, danışıqların uzadılmasında məqsəd Dağlıq Qarabağı ilhaq etmək, yəni Azərbaycandan almaqdır: “Rusiya, ABŞ və Fransa konflikti ədalətli həll etmək niyyətində olsa, bunu dərhal edərlər. BMT Təhlükəsizlik Şurasının qətnamələrinə istinad edib qərar verər və işğalçını yerində oturdarlar. Amma deyirlər ki, problemi siyasi yolla həll edin. Yəni hüquq yolunu da demirlər. Hüquqla olsa Dağlıq Qarabağın beynəlxalq hüquq çərçivəsində hansı ölkəyə məxsus olduğunu asanlıqla müəyyən etmək olar. Ancaq siyasi yol deyirlər. Siyasi yol da tərəflərin vasitəçilərin təklifi ilə razılaşdırılması deməkdir.

Qarabağın dinc yolla həlli ərazinin dinc yolla ermənilərə verilməsi deməkdir. Bunun başqa adı yoxdur. Yox, sən Qarabağı qaytarmaq istəyirsənsə müharibə etməlisən. Azərbaycan xalqının buna potensialı var, beynəlxalq şərtlər buna imkan yarada bilər”. Teleqraf.com