AZ
RU
Rusiya üçün 2-ci “Cəhənnəm sanksiyaları” -Konqres Trampa ultimatum verdi
ABŞ Konqresi Rusiyaya qarşı sanksiyaların növbəti zərfinin qüvvəyə minmə müddətini qısaldıb.
Yenixeber.org: BBC xəbər verir ki, ABŞ Konqresi senatorların iki həftə əvvəl haqqında danışdıqları “ABŞ-ın təhlükəsizliyinin Kreml təcavüzündən müdafiəsi haqqında” qanun layihəsini dərc edib.
Layihə ilk dəfə ötən ilin avqustunda açıqlanan “Cəhənnəm sanksiyaları”nın ikinci və kəskin versiyasıdır.
Hələ o zaman məlum olmuşdu ki, layihədə Rusiyanın dövlət borcları ilə bağlı əməliyyatların keçirilməsi, Rusiyada neft yataqlarının işlənməsi, Rusiyanın xarici ölkələrdə enerji layihələrinə investisiya yatırılması, o cümlədən “Putinin maraqlarına xidmət edən və başqa ölkələrdə demokratik təsisatların sıradan çıxarılmasında iştirakı olan” Rusiya banklarına qarşı müddəalar yer alıb.
Maraqlıdır ki, sözügedən sənəddə ABŞ prezidentinin həmin sanksiyaları təsdiqləmək üçün müddət 90 gündən 60 günə qədər azaldılıb. Sanksiyalar isə qanunun təsdiqlənməsindən sonra 90 gün ərzində qüvvəyə minməlidir.
