Türkiyə nəşri xəbər verir ki, Birləşmiş Ştatlar Türkiyə ordusunu Rusiya ordusunun 1995-ci ildə Qroznıda yaşadığına oxşar darmadağına düçar olmağa vadar etmək üçün məkrli plan hazırlayıb.

Yenixeber.org: Məlum olub ki, ABŞ-ın zülmətə qərq olmuş dərin siması muzdlular və Xalq Özünümüdafiə Dəstələrinin terrorçuları ilə birgə Mənbicə girməyə hazırlaşan Türkiyə tankları üçün tələ hazırlayıblar.

“Akit”in yerli qaynaqlardan əldə etdiyi məlumatlara görə, Amerikanın Suriyadan getməsinə qarşı olanlar “Demokratik Birlik” Partiyasının (PYD) özəl öyrədilmiş güclərinə və muzdlulara tanka qarşı xeyli miqdarda çağdaş “Cavelin” və “Toy” (Tow) raket kompleksi veriblər.

Məqsəd – Türkiyə ordusunu Rusiya ordusunun 1995-də Qroznıda – o zaman Çeçenistanın paytaxtıında Cövhər Dudayevin başçılığı altında bir gündə onlarla tank itirməklə məruz qaldığı itkiləri yaşatmağa məcbur etməkdir. Türkiyənin özəl bölmələri bunun cavabında, hazırlanmış tanka qarşı kompleksləri axtarırlar. Türkiyə özəl bölmələri indi tanka qarşı raketlərin saxlandığı Mənbici və çevrəsini daraqlayır ki, raketləri və bunları işlətməli olan terrorçuları tapsın.

Qeyd olunur ki, Mənbicə qarşı əməliyyat buna görə yubadılır.