“Kəşmir məsələsində Pakistanı dəstəklədiyinə görə, Azərbaycana təşəkkür edirik. Həmişə olduğu kimi Dağlıq Qarabağ məsələsində Azərbaycan 

xalqına köməyimizi əsirgəməyəcəyik”

Xeberinfo.com:  Bunu Kəşmir Həmrəylik Günü münasibətilə keçirdiyi mətbuat konfransında  Pakistanın Azərbaycandakı səfiri Said Xan Mohmand bildirib.  Səfir əlavə edib ki, 3 fevral tarixində Pakistan Parlamenti Xocalı soyqırımı ilə bağlı qətnamə qəbul edib. Eyni qətnamə 4 il əvvəl də Pakisan Senatında qəbul edilib.

“Son altı ay ərzində Hindistan silahlı qüvvələri tərəfindən 120 ölüm və çoxu ağır vəziyyətdə olmaqla 20 min insan yaralanıb”-deyə, mətbuat konfransında  səfir Said Xan Mohmand bildirib.

Səfir deyib ki, Pakistan xalqı və hökuməti Hindistan tərəfindən işğal olunmuş Jammu və Kəşmirin (JoK) məzlum xalqına özlərinin fundamental hüquqları uğrunda apardıqları mübarizədə mənəvi, diplomatik və siyasi dəstəyini davam etdirəcək:“Hindistan son 70 ildə nəinki Jammu və Kəşmir xalqının öz müqəddəratını təyin etmək hüququnu inkar edir, həmçinin, onlara ən ağır insan hüquqlarının pozulması, zorakılıq və zülm tətbiq edir. Kürəcik silahların istifadəsi zamanı 150-dən çox insan kor qalıb, 1000-dən çox insan ağır göz xəsarəti alıb”.S.X.Mohmand deyib ki, Jammu və Kəşmir mübahisəsi yerinə yetirilməmiş öhdəlik kimi gündəmdədir və BMT-nin TŞ-nın gündəmində gözləyən ən köhnə münahisədir. Pakistan hökuməti məsələ ilə bağlı beynəlxalq ictimaiyyətə səslənərək, Hindistanın işğalçı qüvvələri tərəfindən JoK davam edən ümumi insan hüquqlarının pozulmasında müstəqil araşdırma tələb edir.