Rusiya Prezidenti Vladimir Putin ilk dəfə iyunun 9-da əməliyyatların başladığını təsdiqlədi: “Dəqiq demək olar ki, Ukraynanın hücumları başlayıb, bunu strateji ehtiyatlardan istifadə də sübut edir”.
Hətta kreml rəhbəri belə bir iddia ilə çıxış etdi ki, Ukrayna qoşunları rusiyalı əsgərlərin cəsarəti, qoşunların düzgün təşkili sayəsində heç bir məntəqədə öz məqsədlərinə nail ola bilməyib: "Son günlər Rusiya Ukraynanın "klassik" göstəricini keçən ciddi itkilərini müşahidə edir" .
Putin bir neçə gün öncə bir daha eyni mövzuya toxunaraq bu dəfə dəqiq tarixi qeyd etdi: “Bu əməliyyatlar iyunun 4-dən davam edir".
Ukrayna lideri Volodimir Zelenski ordusunun uğurunu gizlətmir. O, "NBC News"a müsahibəsində deyib ki, "Rusiya genişmiqyaslı əks-hücumlara qarşı çıxmağa çalışır. Bu döyüşdə uğursuzluq nəticə olaraq müharibədə məğlubiyyət demək olacaq".
Onun sözlərinə görə, Ukrayna əks-hücumunun miqyası olduqca böyükdür.
"Qəhrəman xalqımız, ön cəbhədəki qoşunlarımız çox sərt müqavimətlə üzləşir. Çünki Rusiya üçün bu hərbi kampaniyanı Ukraynaya uduzmaq, əslində müharibəni uduzmaq deməkdir”, - Zelenski vurğulayıb.
Prezidentin sözlərinə görə, o, daim hərbçilərlə əlaqə saxlayır: "Cəbhədən ümumilikdə müsbət xəbərlər gəlir".
Qərb əks-hücum üçün 60 min Ukrayna əsgəri hazırlayıb
ABŞ-ın Birləşmiş Qərargah Rəisləri Komitəsinin rəhbəri general Mark Milli də cəbhə bölgəsində vəziyyətin dəyişdiyini etiraf edib. Onun sözlərinə görə, Ukrayna ərazisində son vaxtlar döyüşlər daha da şiddətlənib: “Ukrayna Silahlı Qüvvələri əks-hücum üçün yaxşı hazırlaşıb, lakin müharibə hələ uzun müddət davam edəcək. Normandiya döyüşü və ya hər hansı digər böyük döyüş kimi, müharibə də bir qiymətdir. Çox aktivlik görəcəyiniz günlər də olacaq, çox az aktivliyin olacağı günlər də. Hücumedici və müdafiə hərəkətləri də ola bilər. Ona görə də bu, uzun müddətli ikitərəfli mübarizə olacaq”.
Milli hesab edir ki, Ukrayna silahlı qüvvələri Rusiyanın genişmiqyaslı işğalından sonra ölkəni yaxşı müdafiə edib. Sonradan müttəfiqlər tərəfindən verilən təlim və silahlar Ukrayna ordusunu əks-hücumlara yaxşı hazırlayıb.
"Bunun üçün xeyli hazırlıq görülüb, xeyli təchizat işləri aparılıb. Silah-sursatlar ABŞ-la yanaşı, digər ölkələr tərəfindən də təmin edilib. Düşünürəm ki, onlar uyğun gördükləri əməliyyatlara hazırdırlar”, - Mark Milli vurğulayıb.

Bundan başqa, Mark Milli Brüsseldə keçirilən mətbuat konfransında bəyan edib ki, Qərb ölkələri əks-hücumda iştirak etmək üçün təxminən 60 min Ukrayna əsgəri hazırlayıb. O, Kiyevə silah və hərbi texnika tədarükünü koordinasiya edən qrupun növbəti iclasının nəticələrinə yekun vurarkən deyib: "Ümumiyyətlə, beynəlxalq səylər nəticəsində 60 minə yaxın Ukrayna əsgəri hazırkı hücum əməliyyatı üçün hazırlanıb

NATO-nun baş katibi Yens Stoltenberq də Brüsseldə Alyansın Müdafiə Nazirləri Toplantısı çərçivəsində keçirilən NATO-Ukrayna Komissiyası iclasının açılışında bu mövzuya toxunub. Onun sözlərinə görə, Ukrayna ordusu Rusiya qüvvələrinə qarşı əks-hücumunda irəliləyiş əldə edib, NATO isə Ukraynaya hərbi dəstəyini davam etdirilməlidir. Stoltenberq fond yaratmaq, uzun müddətdə Ukraynanın çəkindiriciliyini artırmaq və Sovet dövründən qalma hərbi materiallardan NATO standartlarına keçidi təmin etmək istədiklərini də bildirib.
ABŞ-ın müdafiə naziri Lloyd Austin isə Ukraynanın ehtiyaclarını ödəməyə daha çox diqqət ayıracaqlarını bəyane dib: "Bu, gözlədiyimiz kimi çətin döyüşlər olacaq".
Nəticə var, bir neçə qəsəbə və kənd qısa zamanda geri alınıb