“Amerika mediasında mühüm mövzuların müzakirəsi qadağandır. Mediada gələcəyimizi müəyyən edən ciddi məsələlərin müzakirəsinə qadağa qoyulub. Söhbət vətəndaş azadlıqları, inkişaf edən elm, demoqrafik dəyişikliklər, korporativ güc, təbii ehtiyatlar kimi mövzulardan gedir.Amerika mediasında bununla bağlı müzakirələrə icazə verilmir. Hər iki partiya özləri üçün nəyin faydalı olduğunu razılaşdırıblar və qalanlarını susduraraq birlikdə hərəkət edirlər. ABŞ birdən-birə təkpartiyalı sistemə çevrildi. Bu vəziyyət bədbəxilikdir, amma əbədi deyil.
Nə qədər uzağa, bir o qədər gülməli. Amma uzun müddət deyil. Bunu əkənlər bilir, ona görə də belə isteriya, aqressiya var. Onlar qorxurlar. Söhbəti bir kənara qoyub zorakılığa keçdilər. Bu işləməyəcək. Vicdanlı insanlar həqiqəti açıq deyəndə gücə çevrilirlər. Onlar nə qədər güclü olsalar, yalançılar da bir o qədər zəifdirlər. Kainatın dəmir qanunu belədir: həqiqət qalib gəlir. Amerikada həqiqəti eşidə biləcəyiniz yerlər varmı? Az, amma yenə də. Bizdə kifayət qədər var. Ümid verir. görüşənədək”.
Yenixeber.org: Aparıcı Taker Karlsonun tviterdə bu sözləri böyük rezonans doğurdu. Ötən həftə ərzində Amerika mediasının ön səhifələri Taker Karlsonun “Fox News” dan ayrılması ilə bağlı nəşrlərlə dolu idi. Qalmaqallı aparıcının işdən çıxarılmasından sonra kanalın “Praym-taym” verilişinin auditoriyası təxminən 50% azalıb. Tezliklə orada 17 il işləyən “CNN” aparıcısı Don Lemonun işdən qovulması məlum oldu. Populyar aparıcıların kanalları tərk etməsinin arxasında nə dayanır və bu hadisələr necə bağlıdır.
Aparıcının iti düşüncələri
2003-cü ildə Karlson İraqın işğalını dəstəklədi, lakin əməliyyat başlayandan bir il sonra səhv etdiyini deyərək mövqeyini dəyişdi və o vaxtdan bəri davamlı olaraq ABŞ-ın xarici münaqişələrə hərbi müdaxiləsinə qarşı çıxdı. Eyni zamanda jurnalist Çinə qarşı sərt mövqe sərgiləyir. Karlson hesab edir ki, ABŞ yalnız prezident Niksonun dövründə Çinlə münasibətlərin normallaşmasından uduzdu: xüsusən, bu, Amerikada iş yerlərinin kütləvi şəkildə itirilməsi və çinlilər tərəfindən Amerikanın intellektual mülkiyyətinin oğurlanması ilə ifadə olundu.

Karlsonun getməsi xəbəri şirkətin səhmlərini 5,4% ucuzlaşdırıb. İşdən çıxarılma “Fox News”a seçki saxtakarlığı iddiasında 700 milyon dollardan çox təzminat ödəməyə məcbur edilməsindən bir həftə keçməmiş vaxta təsadüf edir. Taker Karlson sonuncu dəfə aprelin 21-i cümə günü, 2016-cı ildən bəri aparıcılıq etdiyi verilişin efirinə çıxıb. Efirin sonunda o, tamaşaçılara xoş həftəsonu arzulayıb və bazar ertəsi qayıdacağına söz verib.Karlsonun özünün də son ana qədər onu işdən çıxarmaq qərarından xəbəri olmayıb.
O, bu barədə telekanalın mətbuat xidmətinin bəyanatının yayılmasından bir neçə saat əvvəl, yəni aprelin 24-ü, bazar ertəsi səhər xəbər tutub. Qərarın özü, aprelin 21-i axşam saatlarında qəbul edilib. İşdən çıxarılmanın təşəbbüskarları “Fox Corporation”ın baş direktoru Laklan Merdok və “Fox News Media”nın baş direktoru Suzanna Skott olub.
Vaşinqtonda senzura, Bayden tənqid edənləri cəzlandırır
Jurnalist ilk dəfə 2009-cu ildə “Fox News”da müxbir kimi işə başlayıb və ən populyar aparıcılardan birinə çevrilib. Karlson Respublikaçılar Partiyasına, xüsusən də keçmiş prezident Donald Trampa fəal dəstəyi, həmçinin Amerika hökumətinin hərəkətlərini tənqid etməsi ilə tanınır. “Politico” qəzeti ABŞ Müdafiə Nazirliyinin yüksək rütbəli zabitləri arasında olan mənbələrə istinadən yazır ki, Karlsonun “Fox News”dan çıxarılması, xüsusən də Pentaqonda sevinclə qarşılanıb.

Pentaqon yüksək rütbəli rəsmisi mediaya deyib: “İndi bu adam hər gecə yüz minlərlə insanın gözü qarşısında hərbçilərimizi təhqir etməsə, daha yaxşı olarıq”. ABŞ Müdafiə Nazirliyi Cozef Baydenin prezidentlik müddətinin əvvəlində teleaparıcının hərbi departamentin rəhbərliyini və cinsindən asılı olmayaraq hərbi qulluqçuların öz sıralarına cəlb edilməsi məsələsində silahlı qüvvələrin siyasətini fəal şəkildə tənqid etməsindən narazı idi.
Efirdə aparıcı tez-tez qalmaqallara səbəb olan açıqlamalar verirdi. 2023-cü il martın sonunda o, Nyu Yorkdakı böyük münsiflər heyətinin “Tramp Təşkilatı”nın maliyyə sənədlərinin saxtalaşdırılması işində keçmiş Prezidenti ittiham etmək qərarını “siyasi təmizləmə” adlandırdı.
Seçkiöncəsi təmizləmə
Digər tərəfdən aparıcının gedişi ABŞ-da başlayan prezidentlik yarışı ilə də əlaqələndirilir. Liberal media indi seçim qarşısındadır: ya hər tərəfdən Trampa hücum edin, ya da Baydeni dəstəkləməyə başlayın. Lakin Trampın tənqidi yalnız onun populyarlığını artırır və Baydenin effektiv, bacarıqlı prezident imicini yaratmaq cəhdləri heç nə ilə nəticələnmir və onun reytinqi düşür. Bu gün Demokratlar Partiyasının siyasi texnoloqları Baydenin yeni imicini formalaşdırmağa çalışırlar. Lakin sorğular hazırki ABŞ dövlət başçısının imicinin aşağı olduğunu göstərir.
Amerika mediasında prezidentlik yarışı çərçivəsində yaxın gələcəkdə ideoloji cəhətdən mərkəzə doğru irəliləmək, sağ və solda hansısa radikallıqdan uzaqlaşma cəhdinə doğru ümumi tendensiya müşahidə olunur. 
“Los Angeles Times”ın məlumatına görə, Takerin işdən çıxarılmasına şəxsən “Fox Corporation”ın sahibi, media maqnatı Rupert Merdok göstəriş verib. Mühafizəkar “Breibart” nəşri yazıb ki, Ağ Ev hazırda Respublikaçılar Partiyasına və Donald Trampa sponsorluq edən iş adamlarına təzyiqləri artırır. ABŞ hökuməti tərəfindən cinayət təqibi ilə üzləşən milyarder İlon Maska müharibə elan edilib. Təzyiq Merdoka da olub. Axı, Karlson, başqa şeylər arasında, Bayden ailəsindəki korrupsiya qalmaqalını geniş şəkildə işıqlandırdı.
Birləşmiş Ştatlar siyasi qeyri-sabitlik vəziyyətində ola bilər, çünki uduzan tərəf təbii ki, məğlubiyyətini etiraf etməyəcək, buna etiraz etməyə çalışacaq. İri korporativ telekanallar bunda iştirak etmək istəmir.
Həqiqəti söyləmək asandır və xoşdur
Teleaparıcının özü hələ işdən çıxarılmasına münasibət bildirməyib (xüsusən də Twitter-də). Bununla belə, keçmişdə ABŞ-ın ən böyük televiziya şirkətlərini, o cümlədən CNN-i artıq tərk etmiş Karlsonun işsiz qalmayacağı şübhəsizdir. Üstəlik, Donald Trampın iştirakını elan etdiyi Amerikada prezident seçkiləri kampaniyası artıq başlayıb və Taker “Trampizm”in əsas ideoloqlarından biri hesab olunur. Ola bilsin ki, jurnalist ABŞ tarixinin ən mübahisəli liderini Ağ Evə qaytarmağa çalışacaqlardan biri olsun.
Mixail Bulqakov deyirdi: “Həqiqəti söyləmək asandır və xoşdur”. ABŞ-da iqtidar artıq “azad sözün” dəyərini dərk edir. Onlar bu fundamental “insan hüququna” öz inamlarını çoxdan təsdiq ediblər və istədikləri kimi istifadə etməkdən çəkinmirlər. Beləliklə, Karlson kimi kimi jurnalist azad fikir səslənirəndə sadəcə işdən qovulurlar.

Amerikada mətbuat azadlığının qiymətləndirilməsi üçün başqa kriteriyalar tətbiq olunur. Beləliklə, Karolsunun işdən xəbərsiz qovulması söz və mətbuat azadlığı kimi qlobal dəyərlərin necə manipulyasiya edildiyinin göstərcisidir. Belə aydın olur ki, Amerikada artıq söz və mətbuat azadlığı bir neçə nəfərin mənafeyi və maraqlarının qorunması üçündür. Əgər belə olmasaydı prezident sekisi öncəsi Bayden və ölkənin hazırki iqtidarının kəskin tənqid edən məşhur jurnalist səbəbsiz işdən çıxarılmazdı.

Görünən odur ki, ABŞ-da söz və mətbuat azadlığının əsas prinsipləri, ifadə azadlığının inkişaf perspektivləri sual altındadır, mətbuatın müstəqilliyinin təmin olunması, insan hüquq və azadlıqlarının müdafiəsində mətbuatın rolu isə yalnız formal xaraket daşıyır.