AZ
RU
Türkiyə Prezidenti Rəcəb Tayyib Ərdoğan rusiyalı həmkarı Vladimir Putinlə Qarabağda baş verən son hadisələri müzakirə edəcək.
Yenixeber.org: Türkiyə lideri bu gün Putinlə görüş üçün Soçiyə yola düşəcək.
Liderlərin görüşündə digər aktual mövzularla yanaşı, son günlər Qarabağda vəziyyətin gərginləşməsi ilə əlaqədar fikir mübadiləsi aparılacaq. Artıq bununla bağlı razılıq əldə olunub. Eyni zamanda liderlər arasında enerji və taxıl ixracı da müzakirə olunacaq.
Qeyd edək ki, Rusiya sülhməramlı kontingentinin müvəqqəti yerləşdiyi Azərbaycan ərazisindəki qeyri-qanuni erməni silahlı dəstələrinin üzvləri 10 noyabr 2020-ci il tarixli Bəyanatın müddəalarını kobud surətdə pozaraq avqustun 3-də Azərbaycan Ordusunun bölmələrinə qarşı terror-təxribat əməli törədib. Terror-təxribat nəticəsində hərbi qulluqçumuz əsgər Kazımov Anar Rüstəm oğlu şəhid olub. Azərbaycan Ordusu buna cavab olaraq “Qisas” əməliyyatı keçirib.
:1200.jpg)
