AZ
RU
.png)
"Rusiya sülhməramlılarının əsas qrupu artıq Qazaxıstandadır"-"Sülhməramlıların silahdan istifadə etmək hüququ var"
Yenixeber.org: Bu barədə Kollektiv Təhlükəsizlik Müqaviləsi Təşkilatının (KTMT) baş katibi Stanislav Zas deyib.
"KTMT-nin sülhməramlı potensialı bu təhdidləri minimuma endirmək, lokallaşdırmaq üçündür".
Katib xatırladıb ki, KTMT Kollektiv Təhlükəsizlik Şurasının qərarının əsas motivi çətin dövrdə Qazaxıstana yardım və dəstək göstərməkdir, digər fərziyyələr isə tamamilə cəfəngiyyatdır:
"KTMT-nin Qazaxıstandakı kollektiv sülhməramlı qüvvələrinin sayı təxminən 2,5 min nəfər olacaq, lazım gələrsə, gücləndirilə bilər. Kollektiv sülhməramlı qüvvələrin qruplaşmasının ümumi sayı fərqli ola bilər. Hazırda qəbul edilmiş qərarlara əsasən, 2 500-ə yaxın insan var".
Zas əlavə edib ki, sülhməramlıların zərurət yaranarsa silahdan istifadə etmək hüququ var: "Sülhməramlılar Qazaxıstanda strateji dövlət obyektləri qoruyacaq və asayişin saxlanılmasına yardımçı olacaq".
Kollektiv Təhlükəsizlik Müqaviləsi Təşkilatının (KTMT) sülhməramlı bölmələrinin Qazaxıstana yerləşdirilməsi cümə günü başa çatacaq.
"Düşünürəm ki, sabah gün ərzində biz bütün digər sülhməramlı birləşmələrimizin yerləşdirilməsini tədricən başa çatdıracağıq", - katib deyib.
Zas qeyd edib ki, Rusiya sülhməramlılarının əsas qrupu artıq Qazaxıstandadır və qarşıya qoyulan vəzifələri yerinə yetirməyə başlayıb.
Kollektiv Təhlükəsizlik Müqaviləsi Təşkilatının qoşunlarının yeridilməsi daha əvvəl Qazaxıstan Prezidenti Kasım-Jomart Tokayev xahiş edib. O, ölkədəki vəziyyəti “xaricdən təlim keçmiş quldur birləşmələrinin basqını” adlandırıb. Bundan sonra Kollektiv Təhlükəsizlik Müqaviləsi Təşkilatı sülhməramlı qüvvələrin həmin ölkəyə göndərilməsi barədə qərar qəbul edib.(“RİA Novosti”)
.jpg)
.jpg)
