«Bu, elə bir formul olmalıdır ki…»

"Xeberinfo.com":  Sanksiyalardan danışmaq və Rusiyanın Ukraynaya yönəlik siyasətini müzakirə etmək əvəzinə, Barak Obama elə bir həll yolu işləyib hazırlamalıdır ki, o, «hər iki tərəf üçün məqbul və əhatəli» olsun. Bu fikri amerikalı siyasi xadim, prezident Cimmi Karterin milli təhlükəsizlik məsələləri üzrə müşaviri Zbiqnev Bjezinski «The Times» nəşrinə verdiyi müsahibədə səsləndirib.(Ria Novosti)

Siyasətçinin fikrincə, nə qədər ki, Ukraynada atəşkəsin dayandırılması üçün real imkanlar qalır, Vaşinqton anti-Rusiya ritorikasından «çəkinməli» və tənzimləmənin elə bir formasını işləyib hazırlamalıdır ki, həmin format daxilində ABŞ-ın və Rusiyanın «bəzi maraqları» birlikdə məqbul sayılsın.

Ardınca Bjezinski fikrini dəqiqləşdirməyə çalışır: «Bu, elə bir formul olmalıdır ki, onun daxilində Ukrayna Avropa Birliyinə doğru addımlaya bilsin, Rusiya isə NATO-dan zəmanət alsın ki, Kiyevin alyansa qəbulu məsələsinə baxılmayacaq…»

Eks-müşavir müsahibəni aşağıdakı fikirlə tamamlayıb: «Biz (ABŞ – red.) kifayət qədər yumşaq – nümayişkəranə aşağılama cəhdlərindən kənar formada Putinə deməliyik ki, əgər o, hərbi aktivliyi davam etdirsə, bizim Ukraynaya silah verməkdən başqa heç bir siyasi və ya qeyri-siyasi seçimimiz qalmayacaq».

“AzPolitika”