Yenixeber.org: Oktyabrın 22-də Ermənistanın Yerkramas.org resursu “Ermənistanın Səsi” qəzetindəki nəşri dərc edib. Yazıda RF prezidenti yanında Dövlət Qulluğu və İdarəetmə İnstitutunun dosenti Sergey Karnauxov Rusiyanın bu günlərdə Ermənistana hərbi yardım göstərdiyini təsdiq edir.

“Heç bir sirr açmadan, əminliklə deyə bilərəm ki, Ermənistan Rusiya tərəfindən heç bir mənada tərk edilməyib. Başqa məsələdir ki, hərbi əməliyyatlar nəzərə alınmaqla, geniş ictimaiyyətin bu yardımın xarakterini və həcmini bilməsi vacib deyil. Amma erməni xalqı başa düşməlidir ki, indi Ermənistana və ilk növbədə ön cəbhədə döyüşən insanlara gecə-gündüz yardım edən yeganə ölkə Rusiyadır”, deyə o bildirib.

Karnauxov Paşinyanın Rusiyaya istiqamətlənməyən siyasəti səbəbindən Rusiyanın hərbi yardımının hərbi əməliyyatların xarakterinin əsaslı şəkildə Ermənistanın xeyrinə çevrilməsi üçün kifayət etməməsinin səbəblərini izah edir. “Nə qədər ki, baş nazir Paşinyan və komandası siyasi müstəqillik əldə etməyəcək və “dünyadakı ən böyük səfirlikdən” (ABŞ-ın Yerevandakı səfirliyi – Turan) olan məsləhətçilərinə razılıq verməyə davam edəcək, Rusiya Ermənistana qlobal yardım göstərmək imkanından məhrum olacaq...”, deyə o qeyd edib.