ZaqatalaTəhsil Şöbəsində ciddi qanun pozuntuları və yeyinti faktlarının olması ilə bağlı redaksiyamız məlumat daxil olub.

Yenixeber.org: Məlumatda bildirilir ki, rayon və kənd məktəblərində çalışan müəllimlər Təhsil şöbəsinin müdiri Habil Qurbanov daxili əmri ilə işə qəbul edilib. Yəni TŞ-nın şefinin tələbi ilə yerdəşmələr və müqavilələr pullu iş olduğundan onun nəzarətindədir. Əksər müəllimlər imtahan vermədən, rüşvətlə müqavilə bağlayıb müəllim adını qazanıblar. Məlumatda həmçinin qeyd olunur ki, bununla bağlı ən ciddi nöqsan gözdən uzaq kənd məktəbdə daha çoxdur.

Mənbənin iddiasına görə, nöqsanlar və sui-istifadə halları məktəblərin təssərrüfat işlərində də kök salıb. Bunlardan başqa rayon və kənd məktəblərində aparılan yeniləmə, bərpa işləri də müdirin etibar etdiyi şəxslərə həvalə olunub. Bu səbəbdən də rayon TŞ-də haqlı narazılıqlar var… (RealMedia.az)

Onuda bildirək ki, Habil Qurbanov 2010-cu ildən Zaqatala Rayon Təhsil Şöbəsinin müdiri vəzifəsində çalışır. 2007-ci ildən hal-hazıradək YAP-nın Zaqatala Rayon Təşkilatının sədridir.

Qarşı tərəfidə dinləməyə hazırıq.
Mövzuya qayıdacağıq.