Füzuli rayonunun bir neçə kilometr asfalt yolu əsaslı təmirdən sonra istifadəyə verildi

"Xeberinfo.com": Bu gün Füzuli rayonunun  Mirzənağılı, Əhmədalılar, Arayatılı, Kərimbəyli, Qarabağ və Şükürbəyli kəndlərini birləşdirən avtomobil yolunun Birinci Mahmudlu kəndindən keçən hissəsində 2 (iki)  kilometr asfalt yolu əsaslı təmirdən sonra istifadəyə verilmişdir.

    Açılış mərasimində rayonun idarə, müəssisə, təşkilat rəhbərləri, yerli icra nümayəndələri, bələdiyyələr, ziyalılar və sözügedən kənd ictimaiyyətinin nümayəndələri iştirak etmişdir.

   Açılış mərasimində çıxış edən Füzuli rayon İcra Hakimiyyətinin başçısı Alı Alıyev əlamətdar gün münasibətilə tədbir iştirakçılarını təbrik etmişdir. Alı Alıyev bildirmişdir ki, bu gün respublikada rayon mərkəzlərinin və kəndarası yollar abadlaşdırılır, avtomobil yollarının təmiri və yenidən qurulması istiqamətində ardıcıl iş aparılır. Bu proses Füzuli  rayonunda da geniş vüsət almışdır.

   Açılış mərasimində çıxış edən kənd ağsaqqalları, ziyalılar Prezident İlham Əliyevin regionlara, o cümlədən Füzuliyə xüsusi diqqət və qayğısını qeyd emişlər. Çıxış edənlər son illər rayonda aparılan böyük abadlıq –quruculuq işlərini bunun bariz nümunəsi kimi səciyyələndiriblər.

   Sonra Mirzənağılı, Əhmədalılar, Arayatılı, Kərimbəyli, Qarabağ və Şükürbəyli kəndlərini birləşdirən avtomobil yolunun Birinci Mahmudlu kəndindən keçən hissəsində 2500 nəfər əhalinin istifadə edəcəyi 2 (iki)  kilometrlik yol kənd sakinlərinin istifadəsinə verilmişdir.