Xeberinfo.com:   Redaksiyamıza Siyəzən şəhəri,Vidadi küçəsi ev 45-də yaşayan,1993-cü ildən YAP-nın üzvü,1995-ci ildən isə,Partiyanın rayon Təşkilatının ilk yaradıcılarından və uzun illər,partiyanın müxtəlif ictimai işlərində fəal iştirakçısı Zeynalov Sabir Mabəddin oğlu tərəfindən Prezidentə ünvanlanmış müraciətin surəti daxil olub.

Zeynalov Sabir müraciətində Siyəzəndə bələdiyyə sədri və digər məmur özbaşınalığından yazır. Mövzuya ictimai marağı nəzərə alıb, müraciəti olduğu kimi dərc edirirk:

 "Cənab Prezident,Siyəzən bələdiyyəsinin sədri Azər Babayevin,köhnə radikal müxalifətçilər,Siyəzən Rayon İH-nin şöbə müdiri Fəyyaz Mursaquliyev və Başçının müavini Zəfər Əliyevin vəzifələrindən sui istifadə etməklə,öz maddi marağlarına görə,mənə qarşı və rayonda etdikləri qanunsuz,ədalətsiz və məmura yaraşmayan hərəkətlərinə dair məndə olan çox-saylı faktların sizə açığlanması üçün,məni qəbul etmənizdən ötrü,üç aydan artıqdır ki,rəsmi internet saytı,elektron poçt və poçt vasitəsi ilə,sizin ünvanınıza yazıb göndərdiyim saysız-hesabsız ərizə,məktub və şikayət teleqramalarım,Prezident Administrasiyasında kimlərin tərəfindənsə  rəhbərlikdən gizlədilərək,həmin şikayətlərim,Siyəzən Rayon İcra Hakimiyyətinə qaytarılaraq,bütün haqlı şikayətlərim İcra Hakimiyyətində Fəyyaz Mursaquliyev və Zəfər Əliyev tərəfindən ört-basdır edilərək,açıqcasına nəticəsiz,tədbirsiz qalmışdır.Onların məmura yaraşmayan qanunsuz və cinayət xarakterli əməllərini,sizə faktlarla çatdırılması üçün,məni imkan daxilində qəbul etmənizi bir daha sizdən xahiş edirəm.Hörmətli sayt əməkdaşları bu müraciətimi cənab Prezidentimizə çatdırılmasında mənə köməklik göstərilməsini sizdən xahiş edirəm".