Xeberinfo.com:  Redaksiyamızın elektron poçtuna Siyəzən şəhəri, Füzuli küçəsi ev 39-da yaşayan Sədrəddinov Raman Nadir oğlu tərəfindən şikayət məktubu daxil olub. Şikayətində Sədrəddinov Raman Vergilər Nazirinin qəbul görüşü zamanı növbəyə yazılmasına baxmayaraq, Siyəzən məmurları qanunsuz hərəkətlərinin ifşa olunacağından ehtiyyat edərək onu görüşə buraxmamasından yazır. Mövzuya ictimai marağı nəzərə alıb , olduğu kimi dərc edirik:

 "Məlumat üçün sizə bildirirəm ki,vətən qarşısında göstərdiyim xidmətlərimə görə,Hörmətli Prezidentimiz tərəfindən 3-cü dərəcəli "Fərqlənmə Medalı" -na layiq görülmüşəm. Vergilər Naziri cənab Fazil Məmmədov 25 noyabr 2016-cı il tarixdə Siyəzən rayonunda vətəndaşların qəbulunu keçirən zaman, 24 noyabr 2016-cı il tarixdə,şəxsi problemimlə bağlı Vergi əməkdaşı tərəfindən nazirin qəbuluna yazılaraq, Sumqayıt Ərazi İdarəsi tərəfindən, növbədə 9-cu adam qeydiyyata alındım. Əfsuslar olsun ki,cənab nazir Siyəzəndə olarkən,rayonda etdikləri bir sıra qanunsuz hərəkətlərinin ifşa olunacağından ehtiyyat edən, Rayon İcra Hakimiyyəti başçısının müavini Zəfər Əliyev və qeyrisinin "Sifarişi və Diktovkası" ilə,Vergi əməkdaşları Azər Babayev və Teyfur adlı şəxslər müxtəlif bəhanələrlə güya növbədə 40-cı adam olduğum bəhanəsi ilə,məni aldadaraq,cənab Nazirin qəbuluna buraxmadılar.Onların məmura yaraşamayan hərəkətləri barədə tədbir görülməsi və faktların sizə açıqlanması üçün məni qəbul etməyinizi sizdən xahiş edirəm. Hörmətli və ədalətli saytın ədalətli əməkdaşları.Bu müraciətimi aidiyyəti qurumlara çatdırılmasını və öz bildiyiniz kimi işıqlandlrlb mənə köməklik göstərilməsini,hüquqları pozulmuş bir vətəndaş kimi sizdən xahiş edirəm"