Səfərbərlik və Hərbi Xidmətə Çağırış üzrə Dövlət Xidmətinin rayon şöbələrində baş verən qanunsuzluqlar haqda kifayət qədər yazılar dərc edilib.

Yenixeber.org: Narazılıqlar ən çox cənub bölgəsindəndir. Belə ki, Səfərbərlik və Hərbi Xidmətə Çağırış üzrə Dövlət Xidmətinin Cəlilabad rayon şöbəsinin rəisi Nizami Nəbiyev ətrafında baş verən olayları ictimayətə çatdırmaqla yanaşı, araşdırmalarımızıda davam etdirmişik. Redaksiyamızla əlaqə saxlayan Cəlilabad rayon sakininin bildirdiyinə görə, saytlarda yayımlanan tənqidi məqalələr “şantajçı polkovnik-leytenant” N. Nəbiyevi ehtiyatlı davranmağa vadar edib.

Mənbə daha sonra əlavə edir ki, şöbə rəisin sürücüsü və eyni zamanda “makler” fünksiyasını həyata keçirən Mehdi Abbasovdur. Məhz adı hallanan şəxsin vasitəsi ilə bütün “alış-verişlər” baş tutur. Hazırda əməkdaşlarımız Cəlilabad rayonundadır və M. Abbasovun üzərinə düşən vəzifəni necə yerinə yetirdiyi araşdırılır. Bir daha nəzərinizə çatdıraq ki, Çağırış üzrə Dövlət Xidmətinin Cəlilabad rayon şöbəsinin rəisi Nizami Nəbiyev saxta yollarla gənclərimizi həqiqi hərbi xidmətdən yayındırır.

Əfsüslər olsun ki, hüquq mühafizə orqanları “şantajçı polkovnik-leytenant” N. Nəbiyevi və sürücüsü M. Abbasov ətrafında araşdırmalara ehtiyac duymur.  Lakin bir faktı nəzərinizə çatdıraq ki, rüşvətə göz dikən, eyni zamanda gənclərimizi həqiqi hərbi xidmətdən yayındıran şəxs(lər) mütləq öz layiqli cəzalarını alacaq.(dosye.org)