Yenixeber.org: Bakı şəhəri, Nizami rayon sakini, iş adamı, fermer Cəfərov Zəfər Cəfər oğlu Prezident İlham Əliyevə müraciət edərək bifr gömrük işçisinin ona qarşı törətdiyi qanunsuzluqlardan əziyyət çəkdiyini bildirir.Zəfər Cəfərov sözügedən müraciətin surətini Baş nazir Novruz Məmmədov, Ədliyyə naziri Fikrət Məmmədov, Dövlət Təhlükəsizlik Xidmətinin rəisi Əli Nağıyevlə yanaşı geniş ictimaiyyətin diqqət və müzakirəsinə çıxarılması məqsədi ilə Aktualinfo.org onlayn qəzet redaksiyasının elektron poçtuna da göndərib.

Sözügedən müracıəti olduğu kimi oxucuların diqqətinə çatdırırıq.O,yazır:

 Cənab Prezident! Sizin son kadr dəyişiklikləriniz onun göstərir ki, Azərbaycan Qanunvericiliyi bütün sahələrdə düzgün tətbiq edilməlidir. Başqa cür ola da bilməz. Prezident başda olmaqla, bütün məmurlar xalqın xidmətçiləridir.

 Hörmətli, Fikrət müəllim, Siz dövlətimizin başçısı cənab İlham Əliyevin son tapşırıq və göstərişlərinə uyğun olaraq rəhbəri olduğunuz strukturlarda ciddi islahatlar( əsasən də məhkəmə sistemində) aparırsınız. Bu təqdirəlayiq haldır və xalqımız tərəfindən yüksək dəyərləndirilir. Ona görə də Sizə ümidlə müraciət edirəm.

Xatırladım ki, 21 iyun 2019-cu il yuxarı dövlət orqanlarına etdiyim şikayətimə görə əvvəlki iş ortağım hesab edilən, Bakı Baş Gömrük İdarəsinin, hazırda isə Dəniz Nəqliyyatında Baş Gömrük İdarəsininin maliyyə şöbəsinin işçisi Məmmədov Ramin Azad oğlunun  bir iş ortağı kimi mənə qarşı törətdiyi qanunazidd hərəkətlərinin dərhal qarşısının alınması və zorakılıqla ələ keçirmiş əmlaklarımın geri qaytarılmasınında köməklik göstərməyi  xahiş etmişdim. Sağ olsun hüquq mühafizə orqanlarını ki, hazırda məslə ilə bağlı Nizami rayon Pİ-də istintaq işi başlanılmışdır. Amma məslə bununla yekunlaşmır.

Son dəfə  aramızda yaranmış mübahisələrdən sonra Ramin  sərxoş vəziyyətdə ( həftənin 6 və bazar günləri) qatılaraq hər dəfə fermaya gəldiyi 99-555 dövlət nömrə nişanlı NİVA markalı avtomobilində həmişə gəzdirdiyi “VİNÇESTR” markalı odlu silahı üstümə tuşlayaraq bir neçə dəfə məndən guya borclu olduğum pullarını qaytarmağı tələb edirdi. Mən onun bu quldurluq hərəkətindən bərk qorxurdum. O mənə təzyiq göstərdi ki, bu saat notariusa gedib Suraxanı rayonu, Əmircan qəsəbəsindəki avtoyuma məntəqəsini bizim adımıza keçirməlisən. Mən qorxudam əlacsız qalıb razılaşdım. Əvvəlcə sənədləşmə üçün məni ASAN xidmətə gətirdilər ki, bağışlama yolu ilə obyektimi öz adlarına rəsmiləşdirsinlər. ASAN xidmət razılıq vermədi ki, hu qanunsuzluqdur. Biz edə bilmərik.  Bağışlama yalnız yaxın qohumlar arasında mümkündür. Ondan sonra məni Nizami rayonu, “Xəzər” Universitetinin yanındakı 15 saylı Dövlət Notariat Kontoruna gətirib ( Notarius Ramin Məmmədova yaxın olduğu üçün ) 2000 manat pul müqabilində  obyektin altındakı torpaq sahəsinin çıxarışını qanunsuz olaraq bağışlama yoluilə əlimdən aldılar. Obyekt hazırda icarədə olduğuna və sənədi olmadığına görə onu tam ələ keçirə bilmədiklərindən gömrük maliyyəçisi Raminin dəstəsi mayın 1-də gəlib avtoyuma məntəqəsinə basqın etmiş, qıfılı sındırmış və içəridə olan avtoyuma aparatını, kompressoru və digər əşyaları  oğurlayıb aparmışlar. Ona görə də burda iş mayın 1-dən dayanmışdır.

       Gömrük milyarderi indi də məndən sonra oğullarımı şərləməklə məşğuldur. Obyektin altındakı torpağın çıxarışını isə bu quldurlar mənə zorakılıq göstərərk bağışlama adı ilə qanunsuz zəbt ediblər. İndi də ən şərəfsiz varianta əl atmaqla dövlət məmuru işləyən oğlumu şərləyir və işdən çıxarılmasını sıfariş verirlər və buna pul gücünə qismən də olsa nail olurlar. Budur, 15 saylı Notariat Kontorunun rəhbərinin mənə bildirdiyi bağışlama müqaviləsini dəflərlə bir nüxəsini istəsəm də verməmişlər. Vəkilim vasitəsilə həmin müqaviləni əldə etdikdə isə mənə məlum olmuşdur ki, bu sənəd heç də Notariusun sədrinin dediyi kimi “Bağışlama” yox, “Alqı-satqı” müqaviləsi olubmuş. Guya Surxanı rayonu, Əmircan qəsəbəsində yerləşən avtoyuma obyektinin də qiyməti 2000 manat imiş. Halbuki 15 saylı Notariat kontorunun notariusu Ramin Məmmədovla gizli sövdələşməsi nəticəsində məni zorakılıqla gətirikləri bu notariat kontorunda həm məni aldadıblar, həm də obyekti 2000 manat qiymətləndirməklə dövləti. Əslində bu saxta notariat əməliyyata görə rəis R.Məmmədovdan 2000 manat dəyərləndirmə aparmaqla o pulu özünə almışdır. Mənə də aydın olmuşdur ki, sənədi olmayan( çıxarışı) avtoyuma obyektini alqı-satqı etmişəmmiş. Axı mən notariusa də dedim ki, mən latın qrafikilə yazılanları oxuyub tanış ola bilmirəm. Notarius gömrük qulduru ilə gizli sövdələşərək mənim pis vəziyyətdə olmağımddan süi-istifadə edərək saxta “Alqı-satqı” müqaviləsini “Bağışlama” adı altında imzalatdıraraq 2000 manat pul qazanmışdır.

Cənab Prezident və cənab nazir Fikrət Məmmədov.Sizlərdən xahiş edirəm ki, Nizami rayonu, Məhsəti küçəsi ev 9 ünvanda yerləşən 15 saylı Dövlət notariusunun sədrinin son 5 ildə və eləcə də mənə qarşı  törətdiyi qanunpozuntusu hallarının araşdırılmasına göstəriş verəsiniz. ( dələduzluqları, saxta sənədləşmə işlərini və s.) Əvvəlcədən təşəkkürlər.

Vətəndaş Zəfər Cəfərovun müracıətdə göstərdiklərinə şərh verməzdən öncə xatırlatmaq istəyirik ki, Dəniz Nəqliyyatında Baş Gömrük İdarəsininin maliyyə şöbəsinin işçisi Ramin Məmmədov  Bkı Bş Gömrük İdarəsinin keçmiş rəsi Vüsal Novruzova yaxınləğı ilə tanınır. Güman ki, Vüsal Novruzov sözügedən postu tərk etdikdən sonra Gömrük Komitəsinin sədri Səfər Mehdiyev onun yerini dəyişməklə kifayətlənib. Qeryd edək ki, vətəndaş Zəfər Cəfərovun şikayəti əsasında  Nizami rayon Polis İdarəsində istintaq aparılır. Araşdırmalarımız davam edəcək,bizi izləyin.(aktualinfo)