AZ
RU
NƏSİMİDƏ BAYRAM GÜNLƏRİ AĞACLAR QIRILDI –“Yaşam residence” bina tikintisinə başladı + FOTO
Asif Əsgərov Bakının Nəsimi rayonuna icra başçısı təyin olunandan yaşıllıqların qırılması kütləviləşib və intensivləşib. İcra başçısı şəhərin mərkəzi rayonunda meşəlikləri tikinti şirkətlərinə qurban edir.
Yenixeber.org: Məlumata görə, Bakının Nəsimi rayonu, “Memar Əcəmi” metrostansiyasının yaxınlığında “Yaşam Residence” tərəfindən inşaa edilən hündürmərtəbəli binanın ərazisində yerləşən ağaclar qırılaraq məhv edilib.
Ötən aydan mətbuatın diqqətində olan sözügedən ərazidə “Yaşam residence” MTK tərəfindən şam ağacları məhv edilib, yerində bina tikintisinə başlanılıb. Maraqlısı ondadır ki, ağaclar bayram günləri qırılaraq daşınıb. Bir sözlə, “Yaşam residence” MTK ərazini hasarlayıb, zeytun ağacı məhv edib, yerində tikinti aparır.
Həmin ərazidən görüntüləri sizlərə təqdim edirik.(unikal.org)
.jpg)
